Page 8 - DIGICEL JULY 17

Pagina 8 Diabierna Juli 17 2015

Tata ta pidi asistencia
pa yiu drogadicto

Polis a bay diarazon 00.16, na un cas na Turibana na
unda un tata tin problema cu su yiu homber cu ta e
conocido di Polis Dun dun. Eynan e tata di inicial I., ta
bisa cu su yiu Dundun, a bin bati bentana di camber y
a kibre. E tabata na soño, ora cu e yiu homber a kibra
e bentana. Segun I., a core bay sconde den cura. Polis
a bay busca patras di e cas y a topa Dun Dun kende
tabatin su wowonan cora y no tabata trata normal,
supuestamente bou di influencia di droga. Pa su mes
siguridad y di otronan polis a deten'e y a hib'e warda
di Shaba, pero el a resisti su detencion pisa. Polis a
logra pone den boei na su man y pianan. Durante
luchamento el a haya un kap na su cabez. E tata a
wordo bisa pa den oranan di mainta e bay duna keho
contra su yiu homber. El a priminti di haci esey.