Page 10 - AM200418
P. 10
10 AWEMainta Diasabra, 18 April 2020
Candela den cas a causa cu dos
persona a inhala basta huma
ambos a wordo hiba Hospital
DIABIERNA pa 2:30 di atardi, Polis a wordo pidi
cu urgencia na un adres na Pos Chikito, unda lo tin
candela y cu ainda tin hende den e cas.
Mesora Polis di San Nicolas a bay cu urgencia p’e
adres, cu ta situa den e area patras di Serlimar an-
tes DTI.
Na yegada di Polis, danki Dios algun persona a usa
slang pa a paga un cama cu a pega candela. Asina
Polisnan a pidi pa Brandweer, cu a yega cu dos uni-
dad. Mucho mas nan no tabata mester a haci.
Den e cas, Polis a constata cu tabatin dos persona,
un señora di edad y un yiu. Ambos lo a inhala huma.
P’e motibo aki dos ambulance a yega, unda cu Para-
mediconan a cuminsa atende cu nan.
Polis n’e sitio a pidi pa BFTO cu ta Departamento
Tecnico di Cuerpo Policial. Segun testigonan, un
otro yiu homber cu ta biba n’e cas posiblemente t’e
responsabel.
Investigacion di parti autoridad lo tin di trece claridad
den incidente lamentabel aki. Un danki na bisiñanan
cu a actua mesora y duna un man pa evita lo peor.
