Page 19 - LOTTO

Lotto ta felicita Nacional cu nan titulo di campeonnan di
Aruba su futbol y RCA cu nan di dos lugar

Monday, 10 July 2017 18:00
1

Comparti

Siman pasa Aruba completo sin duda a gosa di un tremendo final di futbol den e division di mas halto di
Aruba su futbol, e campeonato 2016 – 2017 di Arubaanse Voetbal Bond unda e dos gigatenan RCA y
Nacional a bataya contra di otro den tres wega di final.

Un publico grandi a bin presencia e tres weganan di final aki unda e stadion di Guillermo Trinidad na
Dakota tabata colma di fanaticadanan bisti den e colornan tradicional di nan club faborito. Den e prome
wega di final Nacional a sa na derota RCA cu e score di 3 – 1, pero den e di dos wega e tricolornan di
Solito ta bini fuerte y gana 6 – 2. Den e ultimo wega esun desicivo, Nacional no ta laga ningun duda y ta
logra bira campeon di Aruba su futbol despues di a derota RCA 3 - 1. Lotto kier a felicita e ekipo di
Nacional y e pueblo di Noord completo cu e triunfo cu a bini net despues di 10 anja. Mas cu claro un
pabien ta bay tambe na RCA cu nan di dos lugar y Arubaanse Voetbal Bond pa un bon campeonato di
futbol 2016 – 2017. Lotto, e Loteria di Aruba ta masha contento di por aporta na e campeonato di futbol
di AVB. Cumprando weganan di Lotto, e Loteria di Aruba bo ta contribui na deporte riba nos isla. Meta
di e fundacion ta pa organisa loteria, cambia bida di su hungadonan y na mes momento inverti den
deporte local pa medio di donacionnan na e Comision di Subsidio.