Page 42 - MIN ON 9 NOV 2015

Ley historico “Kinderopvang” a worde manda na
Parlamento

Publication: Monday, 9 November 2015. Categoria: General
Minister Michelle Hooyboer-Winklaar:

ORANJESTAD (AAN): Na aña 1962 e promer centro di cuido y guia di mucha na Aruba a keda
lanta door di religiosonan, e soeurnan di Bethania.
Ta trata di Kinderdagverblijf Te Aworo na San Nicolaas cu ta existi ainda bou di e nomber
Pasadia Infantil Te Aworo.
Despues, na cuminsamento di añanan 70 e promer asina yama “speelscholen” a lanta na cas di
hende y riba nan propio initiativa. Tambe e prome creche di centro di bario a lanta na aña 1975:
Speelschool Chikitin Bin Bin na Centro di Bario Noord cu tambe ta existi te ainda.
Asina a keda lanta mas y mas centronan di cuido y guia di mucha pa cumpli cu e necesidad di
mayornan cu mester traha. Mayoria a lanta riba intiativa particular y na cas di hende.
Necesidad di un ley: For di hopi tempo tin preocupacion den nos comunidad pa e calidad di
cuido y guia di mucha chikito.
Muchanan tin derecho pa lanta y worde educa den un ambiente safe y sigur, tanto na cas como
pafo di cas.
Mayornan kier un garantia cu e opvang caminda nan ta laga nan yiu ta safe.
E doñonan di e diferente tiponan di opvang pa mucha tambe tin necesidad na liñanan di guia y
exigencianan cu nan mester tene nan mes na dje.
For di aña 1988 ta trahando pa yega na un ley pa reglamenta cuido y guia di mucha. Tabatin
diferente punto di bista y diferente concepto durante e añanan cu a pasa, pero nunca a yega na
algo definitivo.