Page 22 - AHATA

Nan tin debenan riba pashentnan riba casonan adicional. Tabata tin pashentnan cu AZV

cu no kier a bay den 3de klas, pero kier a subi na 2de of 1ste klas. Tambe tabat tin algun

tratamento cu no tabata wordo cubri pa AZV, cual no tabata mucho. Tambe tabata tin

esnan cu no ta inscribi na censo y automaticamente no ta cay bao di AZV. Pa algun aña

caba nan tin un maneho pa esaki cu en principio esaki mester wordo paga na opname,

esta pago delanta y loke ta habri, na e momento ey tambe mester wordo paga. No tur ora

esaki ta logra. Pagonan habri e ora ta wordo poni den man di incasso bureaus. Debenan
grandi automaticamente bay via oficinanan di abogado. Nan ta haci nan best pa por cobra

e debenan aki.

De Kool a agrega cu e sa cu tur aña mas of menos 1 miyon mester wordo schrijfaf,

pasobra no por cobra esaki. Ta un suma importante di placa, cual mester wordo cobra di
turistanan, esta esnan cu ta biba den exterior. Ta hopi fastioso pa bisa un turista pa e paga

prome cu e wordo yuda. Esey ta loke hospital no ta haci. Esey ta nifica cu relativamente

hopi placa tin afo. For di e margen eynan, e perdidanan aki por wordo paga. Na final

toch, hospital ta indica cu nan no tin perdida riba e turistnan.

Pero toch ta jammer cu no por cobra esakinan afo awor aki. Awor aki a habri un oficina

na Merca algun aña pasa, cu ta bezig ta purbando di cobra e fondonan aki. Tambe a bin
cu algun idea mas pa por paga e debenan aki. Por pensa riba un garantiefonds, unda cu

tur turista por contribui cu algo chikito y si ta necesario, hospital y otro institutonan di

cuido, por haci un peticion riba esaki. Esey ta nifica cu turistanan, cu tin mester di ayudo

medico di inmediato, por yuda nan, aunke cu nan no ta sigura.

http://24ora.com/costonan-pa-ana-di-hospital-ta-180-miyon-florin-y-ta-schrijf-
uit-1-miyon-di-hende-cu-no-ta-paga