Page 33 - AHATA
P. 33
toegewezen, nadat daartoe een openbare aanbesteding is gehouden”. Akinan caba
Parlamentario Croes tin su preguntanan. Tin mas auto cu a core na USA como 10 aña
refiriendo na The Bull y esaki apenas a ricibi $1200 dollar for di ATA ultimo 8 añanan. Pues cu
cual midi ta wordo midi e ora? Pasobra ta ruman di Mike Eman? Croes a bin cu prueba dilanti
splikando cu desde 30 di november 2017 el a manda preguntanan official via Staten pa ATA. Ta
trata di 6 pregunta tur basa riba e auto di careda aki. Mester bisa cu a dura casi 3 luna pa ta
exacto 20 di februari 2018 pa ricibi e contestanan unda ATA a confirma cu ruman di Mike Eman
a ricibi 1.6 MIYON florin for di ATA pa e auto di careda y ATA a confirma tambe cu AAA tambe
ta sponser e auto aki. Parlamentario Croes a mustra cu prueba di articulonan cu a sali den
prensa den luna di Februari unda personalmente a manda pidi minister Oduber pa no continua
cu e contracto aki den 2018. Un di e rasonan ta cu pista di Palo Marga ta den deterioro y
mester percura pa esaki promer y di dos sigur mester tene cuenta cu nos ta den un Crisis.
Minister Oduber ta confirma cu el a avisa Directora di ATA riba e desicion aki. No obstante
esaki ATA a tuma un desicion contrario na e vision di e Minister. Artikel 10 di Lei di ATA AB
2011 no 14 ta ilustra hopi kla na letter b, “ de strategie die moet leiden tot het realiseren van de
doelstellingen van de rechtspersoon ( ATA) en van de prioriteiten die daarbinnen door de
Minister zijn bepaald voor de uittvoering van het toerismebeleid”. Pues klaramente no a respeta
prioridadnan di e Minister concerni. Parlamentario Croes finalisando ta splika cu desde 20 di
Maart 2018 el a hasi 41 pregunta oficial via Staten di Aruba na ATA pero lamentablemente te cu
awe no a ricibi contesta riba esakinan. Esaki ta condusi cu como Parlamentario e mester usa
otro “tools” cu
Parlamento tin esta invulcra ARA ( Algemene Rekenkamer Arunba) pa por skirbi un rapport riba
ATA y asina finalmente logra yega na contestanan pa cu precupacionnan cu tin.
http://www.awe24.com/20180716/32412/Parlamentario_Endy_Croes_A_hasi_41_pregunta_
na_ATA_desde_20_Maart_2018
