Page 11 - AM

AWEMainta Diaranson, 29 Juli 2015 11

Minister Arthur Dowers hunto cu Cuerpo Policial
a introduci rijbewijs nobo pa Aruba

CU yegada di e ekipo nobo, Aruba awor ta cla

pa procesa y imprimi su mesun rijbewijsnan,
na Aruba mes y den cuestion di algun minuut.
E sistema a wordo getest caba y tur cos
ta trahando perfecto. Esaki Minister mr.
drs. Arthur Dowers a anuncia hunto cu
Comisario Irma Gordon y Inspector Ricardo
Muller dialuna mainta. Minister Dowers ta
gradici tur ciudadano pa nan pasenshi y a
splica cu e rijbewijs nobo ta keda registra
den e catalogo internacional cu ta sali na
januari 2016, hunto cu e rijbewijs roos ex-
istente cu tabata wordo traha na Hulanda.
Pues, pa Aruba lo aparece dos rijbewijs roos
valido. E catalogo aki ta wordo uza tur parti
di mundo y den dje tin registra tur e mod-
elonan di rijbewijs cu ta legal pa cada pais.

E modelo di rijbewijs internacional cu
ta wordo uza na Aruba tambe ta regis-
tra den e “check-in guide” aki.
Comisario Irma Gordon a bisa cu no lo ta
cambiando e rijbewijsnan blanco cu a otorga e
ultimo lunanan cu a pasa ainda, pasobra esaki
nan ta keda valido pa uzo na Aruba.
Personanan cu kier biaha y kier core auto den
exterior por pidi un rijbewijs internacional na
Departamento di Rijbewijs pa ta sigur cu nan
por huur y core auto den exterior sin problema.

Comisario Gordon a splica cu e prome set di
rijbewijs cu lo wordo otorga t’esnan n’e per-
sonanan cu actualmente tabata wardando pa
nan rijbewijs bin for di Hulanda y ta canando
cu un copia di e peticion.
E grupo aki ta consisti di un poco mas
cu 2000 persona. E rijbewijsnan aki lo
wordo otorga despues di dia 15 di augus-
tus y Cuerpo Policial lo haci un anuncio
tocante e entrega ora cu e tempo yega.

E otro grupo di persona cu lo haya un ri-
jbewijs nobo ora cu e ekipo wordo poni
den ful funcionamento despues di dia 15
di augustus, t’esnan cu a pasa na prueba
pa rijbewijs, pues rijbewijsnan nobo; y
esnan cu mester renoba nan rijbewijs.
Minister Dowers a splica cu e rijbewijsnan
blanco no a wordo registra den e “check-in
guide” y pues no ta valido pa uzo p’afo di Aruba.
E decision pa no registra e rijbewijsnan aki
a wordo tuma p’asina evita cu Aruba tin tres
rijbewijs registra den un tempo cortico y pa-
sobra tambe lo no tabatin sentido pa haci’e,
pasobra e catalogo ta sali un biaha pa aña y
e no lo a keda registra na tempo p’e cambio.