Page 95 - AWM 26AUG2017
P. 95
2.12 SECTOR
PRIMARIO
“ “
AWA PA AGRICULTUA NA
PAKICO CUMPRA UN
PRODUCTO CU TA BIN
UN BON PRIJS TA KEDA UN
DI AFO SI NOS MESUN PROBLEMA CU MESTER
CUNUKERONAN POR WORDO SOLUCIONA
CULTIV’E? ”
”
POR ta para pa un maneho pa mehora posicion di e piscado, cunukero y criado mediante
conscientisacion y promocion di sector primario cu e meta pa haci nos pais menos
dependiente di importacion di pisca, fruta, berdura y carni. Promocion di cultivacion y
consumo di producto local ta prioridad. POR ta enfoca riba: stimula sector primario sostenibel,
mehora maneho di tereno destina pa agricultura, intensifica programa di construccion y
renovacion di pier, reforsa Santa Rosa, implementa ley di incentivo fiscal pa sector primario,
regula piscamento cu harpoen y soluciona e problema di awa pa agricultura.
2.12.1 Stimula sector primario sostenibel
Lo crea infrastructura basico pa sector primario y stimula diversificacion economico pa
beneficia nos cunukeronan como tambe piscadonan y criadonan. Esaki pa medio di un
maneho integral cu ta enfoca riba uzo di metodo y tecnologia innovativo y eficiente cu ta
contribui na un nivel di produccion mas halto y na mesun momento ta causa menos daño na
nos medio ambiente y naturalesa (“sustainable agriculture”).
2.12.2 Mehora maneho di tereno destina pa
agricultura
Lo percura pa mehora maneho di tereno di huur (“huurgronden”) pa asina crea mas espacio
pa otorga tereno cu meta agricultural. DIP den cooperacion estrecho cu Santa Rosa lo mester
formula y ehecuta un plan al respecto y unda ta necesario lo ahusta e ROP.
56
