Page 24 - HOH

Ta parce un salto di destino cu China cu bira e menasa mundial mas grandi pa medio di
e poder di Inteligencia Artificial cu mester surpasa e poder mental humano, a bira
centro di un enfermedad cu lo a demostra mundo e importancia di tecnologia moderno.

Tabata un wega strategico anciano di China, Go, cu a wordo computerisa y a resulta di
ta mas capaz pa produci un ganado cu e mente humano. Esaki a inspira China pa
competi cu Merca pa e prome luga pa e compilacion di informacionnan cu mester a bira
e memoria artificial cu ta warda den sistemanan di computer y den weganan di

computer.

Awe, mientras mundo na careda ta trata di haya un remedi pa coronavirus, cu tin China
como su centro, un wega ta haya mas atencion y pedida mundial. Ta trata di e wega

Plague (plaga), cu ta basa riba e forma cu ta crea un virus y ta laga e virus plama riba
henter mundo.

E wega cu a bira mas popular cu nunca ta wordo uza pa personanan rond mundo cu ta

trata di haya un indicacion con coronavirus por sigui plama si nan hinca informacion
corecto.

Autoridad mundial di salud ta manda advertencia contra e wega pa evita cu hende lo

prepara su mes pa algo cu no tin ningun clase di balor real. Pero e comercio tras di
Plaga ta asina grandi, cu ta dificil pa stop e interes di hungadonan.

E ta un problema pa cientificonan cu ta uza tur informacion pa trata na haya un remedi

pa coronavirus, cu tin como su prome enemigo e forma cu tecnologia ta haya yudansa
pa manda informacion rond mundo riba e malesa y e forma pa preveni su entrada y
plamamento.

E entidad medico John Hopkins Center a desaroya e sistema cu ta uza informacion
suministra pa e organisacion mundial di salud den “Online Dashboard” cu ta haci
posibel pa sigui e progreso di coronavirus rond mundo.

E centro tambe ta tene su mes ocupa cu compilacion di informacion riba e motibo cu
China por ehempel a registra mas caso mortal cu otro pais na mundo.