Page 30 - HOH
P. 30
ORANJESTAD (AAN) — Na entrada di 2020 cu mester a bira inicio berdadero di un
epoca den cual conocemento y accion humano lo a resulta den un recuperacion mundial
economico, planeta tera ta na careda pa loke Coronavirus ta nifica pa economia
mundial.
Diferente factor na 2019 tabata tene mundo ocupa cu e pensamento riba economia
mundial. China, cu ya tabata tin un economia cu tabata parce di ta debilita, tabata den
combersacion cu Merca pa yega na acuerdonan comercial cu tabata un di e temornan di
basta aña pa comercio internacional.
Na final di 2019 mundo tabata sumamente optimista cu e lo por a confronta un bon
futuro economico, den cual e sosten di tecnologia moderno lo a destaca.
Ta hustamente uno di e problemanan mas grandi di inteligencia artificial cu mester
domina futuro, a trece e problema grandi.
Coronavirus no por a wordo pronostica dor di ningun nacion y ningun sistema pa
pronostica futuro economico cu e resultado cu actualmente mundo ta keda na careda
ya cu diferente factor pa recuperacion ta basha abou.
China cu a inverti rond mundo y sigur na Europa y den region di America Latino y
Caribe y a logra alcansa un acuerdo comercial cu Merca, a bira centro di Corona Virus,
cu a wordo exporta pa paisnan manera Hapon.
Den otro edicion, DIARIO lo atende cu e Weganan Olimpico cu ta wordo afecta dor di
Coronavirus y riba cual Hapon tambe a pone su speransa pa su recuperacion.
Pa DIARIO tabata importante pa mira kico ademas di e riesgo grandi e situacion
actual por implica pa partinan di mundo di cual Aruba ta depende pa su importacion.
Na cabes ta topa cu Merca, cu na e momentonan aki internamente ta conoce varios
decision gubernamental di Presidente Trump cu ta afecta economia na un forma
positivo.
E importacion di China no ta na e lista top pa Aruba.
