Page 6 - MIN VOS

Campeonato di Aruba Softball Bond 2017 ta wordo dedica na
baluarte Eugenio Bertrando “Tan”Helder

Friday, 12 May 2017 08:36
Comparti

Diabierna 12 di Mei a inicia campeonato HEINEKEN official di Aruba Softball Bond den 3 Liga tanto AA
Femenino y A-Klas y AA Masculino. E campeonato e aña aki ta wordo dedica na dos baluarte kendenan a
dedica hopi na e deporte di softball. Sra. Bertha Wolf-Croes y Eugenio Bertrando mihor conosi como
“Tan” Helder. Awe nos ta repasa encorto e biografia di Sr. Tan Helder.

Tan a cuminsa hunga Little League na 1960 pa Gibson bow encargo di manager Julio v/d Biezen mihor
conosi como Jul. Despues Tan a melita den equipo Peterschoen miembro di ASB y a sigui pa Sibone den
categoría AA. Despues cu Tan a tuma un break di 3 aña Tan a continua su carera cu e equipo di Wonco
bow maneho di Frans Croes (q.e.p.d) y a logra hunga diferente biaha den Play Off. Tan ta continua
hungando fast pitch pa Kibaima equipo di su bario cual después a bira Frisian Flag un equipo cu a titula
campeón hopi aña entreotro un record e tempo aya di 5 aña consecutivo campeón AA. Tan tabata un
cátcher estelar. Tan mas na grandi a keda activo y a hunga softball slowpitch cu diferente equipo
entreotro Kibaima, CMB, Hospital, Tele Aruba, Astros y ultimo cu Tanki Leendert Giants. Den softball
veterano ja na un edad mas grandi Tan a hunga pa La Moderna Sluggers bow di maneho di Juan Tromp.
Aruba Softball Bond orguyosamente ta dedica campeonato 2017 na honor di Eugenio Bertrando “Tan”
Helder como muestra di aprecio pa tur su añanan di dedicasion na nos deporte di softball. Pabien na Tan
y henter famia. Merecidamente Tan Helder un baluarte ehemplar.