Page 55 - MIN JUS

2. Sin limitacion di e stipulacion den articulo 97, Hof por ordena tambe pa tene e sospechoso
preso no opstante si anterior a termina un detencion provishonal y sin limitacion di e
stipulacion den articulo 100 y 101, prome y di dos parafo, di parti a y b.

3. Un ordu pa tene preso of kohe preso ta, despues di e sentensia definitivo den Prome
Instancia, pa un periodo di maximo cinco luna vigente. Sinembargo Hof ta controla den un
periodo di trinta dia, despues di apelacion, si e casonan y e motibonan referi den articulo 100

y 101, ainda ta presente. Hof ta tende e sospechoso si e ta haña cu tin motibo presente. E
periodo di cinco luna por wordo prolonga dor di Hof un biaha mas cu maximo trinta dia si
tin motibonan funda pa cua e investigacion na Terechtzitting no por cuminsa denter di e

periodo ei.
4. Un ordu pa tene preso of kohe preso cu a vence, prome cu e periodo referi den e di tres

parafo, a continua riba e terechtzitting, ta, mescos cu un duna durante of despues di e
investigacion e, ta valido pa un periodo indefini, salvo liberacion conforme e articulonan 103,
105, 107 y 108, di cinco parafo, te ora e sentencia a bira gewijsde, tambe den caso di
apelacion contra e decision final na Casashon of Corte Supremo, conforme cu articulo 14 di e

Areglo di Casashon pa Antiya Hulandes y Aruba, a manda e caso bek pa Hof.
5. Fuera di e casonan referi den articulo 105, Hof ta aboli e ordu entrante e momento riba cua e

duracion di e detencion provishonal a bira igual cu e duracion di e castigo incondicional
impone di privashon di libertad, a no ser cu un medida incondishonal impone por trece cun’e
privashon di libertad.

6. Pa apelacion di e articulo aki, e periodo permanece den detencion provishonal ta enserra e
periodo durante cua e sospechoso tabata aresta.

Tende e sospechoso cu ta detene provishonal

Art. 109.1 A no ser cu e sospechoso, na ocasion di su interogacion a wordo bisa verbalmente cu un

ordu di detencion provishonal lo wordo dicta contra dje, e ta wordo tende denter di binticuater ora
despues di a wordo tuma den e luga unda e lo bai experimenta e detencion provishonal.

2. E tendemento durante e investigacion preparatorio ta tuma luga dor di hues-comisario;
despues cu e investigacion a cuminsa na Corte dor di e hues di Prome Instancia; despues di a

apela e sentencia definitivo dor di Hof of un miembro di e Colegio aki.
3. Di e tendemento semper, conforme cu e articulonan 213 te cu 218, ta traha prosesverbal.