Page 22 - CMB
P. 22
Crisis mundial na 2008
Alaves Parlamentario Croes a splica cu na 2008 tabata tin un crisis mundial unda prijs di crudo a alcansa $147
US dollar pa bari y gobierno e tempo aya a haci tur lo posibel pa absorba e golpinan aki y no traspasa esaki pa
pueblo. Tambe Croes a aclaria cu Minister di Finansa di e tempo ey, Sr. Nilo Swaen a pidi Banco Central pa
traha un rapport al respecto cual porcierto a keda cla y publica 15 di april 2010, pues hustamente momento cu
AVP ta na mando pero awor ta prueba cu Marlon Sneek y AVP no ta tuma nan tempo pa lesa e documentonan
aki cual a splica tur cos. Otro advies importante ta e “tripartiet werkgroep” di APFA, Banco Central y
Financiën di Aruba kendenan a produci un advies cual a keda publica na December 2009, esta e herziening di
pensioenverordening landsdienaren. Esaki tampoco Marlon Sneek no a lesa.
Bisando y pruebando esaki nos ta desenmascara Marlon Sneek y AVP den nan manera anticua di hiba politica,
un politica di constantemente lansa calumnia y mentira pa purba score. Ki ora nan lansa un mentira Fraccion di
MEP lo sa di reacciona cu e berdad y cu prueba den man, Croes ta finalisa bisando.
/arubanative.com/2018/03/13/parlamentario-endy-croes-a-desenmascara-marlon-sneek-y-avp-prueba-
con-avp-ta-gana-riba-dekkingsgraad-di-apfa/
