Page 3 - RDA
P. 3
Diabierna, 10 November 2017 AWEMainta 3
Afpak Team a confisca vehiculo
carga cu contrabando di gasolin
na drive-thru di un ‘fast-food’
DIAMARS anochi un “operativo” tabata tumando luga,
caminda cu departamentonan special lo tabata tras di un
pick up Nissan.
Despues di a sigui e auto pa algun minuut, patruya di
Playa hunto cu algun patruya mas ta haya e auto aki den
Drive Thru di Burger King Paradera.
Agentenan a acerca e auto y obliga e chauffeur pa paga e
auto y pone e yabi ariba e dak. Polis a baha e chauffeur y
a pon’e contra muraya pa basta rato.
Despues di algun rato, un agente a informa e chauf-
feur cu su auto a keda confisca, cu tabata transpor-
tando un container cu loke tabata parse gasolin.
Agentenan na un bon manera, a splica e chauffeur cu e
mester bay warda cu nan caminda cu na warda di Santa
Cruz e lo mester bay duna un declaracion.
Afpakteam
Ariba diaranson, Ministerio Publico a manda un comu-
nicado relaciona cu e autonan y boto cu a wordo kita
dor di afpakteam y den nan e pick up aki ta aparece.
Esaki ta nifica cu loke a presencia den e Drive Thru di
Burger King, tabata momento cu autoridad a confisca un
Nissan pick up cu ta meti den contrabando di gasolin.
No ta conoci si e chauffeur a keda deteni na warda.
