Page 38 - sja aug 27,2015

Diahuebs 27 Augustus 2015 Pagina 25

Solo di Pueblo... Noticia Local.....

SV Dakota ta bayendo “tur cu tin” pa e temporada

2015/2016

Siman pasa SV Dakota a
reuni tur miembro pa un
encuentro di preparacion
pa e temporada nan
dilanti. Cu energia positivo
y entusiasmo nan ta
bayendo “tur cu tin” pa e
temporada 2015/2106. Sin
basila y sin duda, “Dakota
TUR DIA!” mester keda
resona unda cu SV Dakota
y su fanaticonan ta.

Durante di e reunion a
celebra e presencia di
caranan conoci cu t’ey
bek, manera Albert “Aby”
Lake, jr. y Joally Lake,
kende ta para cu nan team
yen di determinacion pa
yuda SV Dakota yega
na exito. Den e dream
team tambe ta welcome
Rozanne Clement y
Jemond Brito como tambe
"Chido Henriquez y Bibichi
Krozendijk cu a bin bek
pa yuda den nan encargo
como dirigente cual nan a
ocupa pa hopi aña.

SV Dakota ta gradici nan
sponsornan super valioso
cu a para firme cu nan pa e
temporada pasa y ta conta
cu nan apoyo un biaha
mas pa e temporada cu ta
den cuminsa. Dirigentenan
y hungadonan ta gradici
Centro di Bario y Deporte
Dakota, KIA Motors,
De Palm Island, Island
Best Windows & Doors,
ATCO Concrete Products,
Coopers Tires y Gatorade
pa nan tremendo aporte.

Durante di e reunion,
entre otro, a presenta e
coordinador pa hubentud,
kende lo dedica su mes na
e ekiponan mas hoben y
asina motiva e hobennan
pa atende nan trainingnan,
pa nan duna di nan mes
cu entusiasmo, keda riba
e bon caminda y sigui
interesa den haci deporte.

Presidente Sr. Harvey
Clement den nomber di
SV Dakota ta desea tur
otro team hopi exito pa cu
e campeonato na caminda
y ta desea tur hungado di
SV Dakota forsa y enfoca
pa brinda lo miho di nan
como individual y como
team den cada categoria,
den cada training y cada
wega.