Page 5 - AHATA

18 INTERNACIONAL AWEMainta
Repatriando 29 Colombiano
Panama ta realisa su prome vuelo
di deportacion financia pa Merca
RIBA 20 di Augustus, 2024, Panama a ehecuta su prome
vuelo di deportacion financia pa Merca, repatriando 29
migrante Colombiano for di Ciudad di Panama pa Medellín,
Colombia. E operacion aki ta parti di un iniciativa mas amplio
dirigi na frena e fluho di migrantenan cu ta biaha nort a
traves di Centro America direccion Merca.
E personanan deporta, incluyendo un supuesto miembro di
e organisacion criminal Clan del Golfo, tabata tin boei na nan
man y pia mientras nan tabata aborda e vuelo bou supervi-
sion di e agencia di migracion di Panama. E Vice Minister di
Siguridad di Panama, Luis Felipe Icaza, a confirma e depor-
tacion, enfatisando e compromiso di e pais pa atende migra-
cion no autorisa a traves di su teritorio.
E deportacion aki ta marca un paso significante despues di
un memorandum di cooperacion firma entre Merca y Panama
riba 1 di Juli, 2024. E acuerdo ta enfoca riba reduci e cant-
idad di migrantenan cu ta crusa Panama sin documentacion
Diahuebs, 22 Augustus 2024
adecua riba nan caminda pa Merca. E iniciativa aki ta parti
di un esfuerso mas grandi di ambos nacion pa maneha e
retonan presenta pa migracion iregular den e region.
Den un movecion relaciona, Panama recientemente a instala
waya di hero riba varios ruta den e selva di Darién—un
region peligroso entre Panama y Colombia hopi biaha uza
pa migrantenan.
E instalacion di e bareranan aki ta destina pa desalenta e
uzo di e pasada peligroso aki, cu a mira un afluencia signifi-
cante di migrantenan den añanan reciente.
A pesar di e esfuersonan aki, e Darién Gap ta sigui ta un punto
di entrada critico, cu mas cu 230,000 hende crusando pa
Panama for di Colombia e aña aki so. Sinembargo, e agencia
di migracion di Panama a raporta un disminucion di 30%
den crucenan compara cu e mesun periodo na 2023, seña-
lando un posibel cambio den patronchinan di migracion debi
n’e medidanan di enforsamento reciente aki.