Page 31 - ATA JULY 9 2015

Aruba ta contento cu Troon ta maneha cancha di Golf na
Aruba

Publication: Thursday, 9 July 2015. Categoria: General
Ronella Tjin Asjoe-Croes

ORANJESTAD(AAN): Riba diamars a tuma luga e anuncio di un asociacion importante pa
Tierra del Sol y e compania internacional specialisa den maneho di canchanan di golf
mundialmente, esta Troon.
Den un entrevista Ronelle Tjin Asjoe-Croes, director di Aruba Tourism Authority (ATA) a
expresa cu ATA ta contento cu e asociacion, particularmente pa e balor di promocion y
mercadeo di e deporte di golf na Aruba y, en general, turismo di Aruba.
ATA tabata parti di un comision aña pasa pa dicidi kico ta sigui pasa pa loke ta trata e
posibilidad pa Tierra del Sol por desaroya un hotel, Tjin Asjoe-Croes a bisa, añadiendo cu e
decision di e comision tabata uno importante pa cu oportunidadnan pa salbaguardia e futuro di e
propiedad. Tierra del Sol ta importante pa e mercadeo di Aruba y e decision positivo di e
comision a worde emiti cu algun condicion cu e compania mester atene su mes na dje.
Dos di e condicionnan cu el a menciona den e entrevista ta cu e hotel mester tene su mes na un
cantidad maximo di camber y e mester ta un propiedad di cinco strea. Esaki ta pas
completamente den e vision pa cu turismo di Aruba y e strategia di ATA, e director a agrega.
E adicion di Troon ta pas perfectamente tambe den e vision pa Aruba y ta hopi importante, segun
Ronella Tjin Asjoe-Croes.