Page 20 - MIN ECEM

grandi caminda diferente departamento ta partner di esaki, caminda cu a enfatisa un
bes mas cu Gobierno su posicion pa esaki ta 0 tolerancia.

Tur doño di e tipo di e terenonan aki pronto lo haya un carta atrobe, unda cu ta adverti
nan di e accionnan cu Gobierno ta bay tuma. E accionnan lo ta hopi duro. Cada ken cu
tin e terenonan aki y ta uz’e ilegalmente ta bay mira efectonan y e man duro di
Gobierno y Husticia.

Na Aruba ta un luga so tin mag di wordo uza como dump cu ta Parkietenbos. Ningun
otro luga. Tur otro luga cu ta wordo uza pa depone afval, ta ilegal y Gobierno ta bay
actua contra tur. E minister ta adverti tur hende cu a haci esaki of ta haciendo esaki, cu
Gobierno ta bay actua riba esaki hunto cu husticia.

Motibo di tira sushi

Minister Mike de Meza a comenta cu p’e, malhechor den tur forma y tur sentido di
palabra ta haci esaki. Esey por ta hendenan cu ta haci negoshi cu esaki, hendenan cu
simplemente no tin e disciplina pa wanta nan pais limpi. Tin otronan cu kier saca
probecho comercial for di dje. Lo tin diferente rason y motibo. Pero tur rason ta actonan
cu nan ta haciendo, cual ta ilegal.

Atrobe, husticia lo bay actua riba esaki cu man duro. No tin ningun hustificacion pa haci
esaki. Akinan na Aruba, ta un luga so tin cu tin un dump, cu ta na Parkietenbos. Ningun
otro luga tin permiso pa esaki y tur esnan cu ta haci e tipo di practicanan aki ta bay
wordo acerca door di husticia y Gobierno lo uza tur ley cu ta dun’e espacio pa actua
severamente contra tur persona cu ta haci mal uzo di esaki.

No ta bay tin tolerancia pa esaki. Esaki ta tur caminda cu tin dumpnan ilegal. E cos aki
tin cu stop. Tur hende mester compronde awor aki e actonan di sinberguenseria aki tin
cu para, segun minister.