Page 46 - UTILITIES

Prome Minister tambe ta minister di energia tambe. El a menciona cu el a haya carta di

sindicato STA y a reuni cu nan dos siman pasa riba varios tema. Un di e temanan ta cu no

ta reconoce representacion di STA den Elmar, cual e minister a tuma hopi na serio y a

tuma accion tambe.

Tin un mal contento grandi, manera cu a keda señala. E mal contento ey a pone den man

di mediador y mediador a cuminsa cu e buelta di reunionnan entre e gerencia di Elmar y e

diferente sindicatonan. Eynan ta caminda cu e mester ta atendi.

Loke cu a splica e sindicato ta cu ora ta trata cu un director di compania, tin un herarchia

cu tin cu cana. Minister Evelyn Wever-Croes, ta encarga cu maneho di energia, pero no ta

hefe di director di Elmar.

Den e caso aki e herarchia ta asina. Tin Elmar, den Elmar mes tin un directie, Elmar mes

ta cay bao di un supervision di hunta di comisario di Elmar mes. Elmar su accionnan ta

teni pa Utilities Aruba, cu tin un direccion cu ta tene supervision un tiki riba Elmar y

Utilities tin su propio hunta di comisario, cu tambe ta haci e trabao aki. Ta ora cu nan no

sali afo, e ora ta bin bati na porta di Gobierno.

Den e caso aki door cu a haya e carta di Sindicato, cual a haya e carta serio, a atende nan

mesora. Ademas di esey ta den buelta di sinta cu tur sindicato y gremio y den e cuadro di

esaki, el a fit net bon, pasobra kier a sinti di tur kico ta locual ta e cosnan pendiente cerca

nan, kico ta e issuenan di cada un, prome cu sinta cerca tur hunto y yega na

palabracionnan concreto.

A ripara cu cada un tin nan asuntonan specifico. Si coy tur hende pone hunto, no lo duna

atencion na nan problemanan. A sinta cu ABV tambe siman pasa. Hopi problema den

cuido y tambe hopi problema cu nan ta señala. E minister ta contento di ta haci e pasonan