Page 11 - AAA 19 JUNE 2017
P. 11
Situacion di tempo biniendo direccion di Aruba
Sunday, 18 June 2017 22:54
Comparti
Diadomingo anochi, Servicio Meteorologico a emiti un boletin di tempo, den cual ta alerta pa un situacion
inusual di tempo den nos region. Tin un disturbio zuidwest di Trinidad
, cu entretanto ta miho organisa cu ta moviendo direccion west cu un velocidad di 37 km pa ora. Ta spera cu e
yega banda di nos islanan dialuna anochi of diamars den dia.
Di acuerdo cu e pronostico, por spera cu e sistema lo sigui haya forsa y cu pa ora e yega banda di Aruba e lo ta
un "Tropical Storm", cu lo bin cu awasero compaña pa strena y lamper.
Di acuerdo cu e pronostico, si e situacion di tempo aki keda riba e rumbo y gana mas forsa, cu por spera cu
diamars anochi pa diaranson mainta e lo pasa riba Aruba como un horcan zwak of un tormenta tropical fuerte.
Di otro banda, indicacionnan ta mustra cu e situacion di tempo lo por perde forsa prome cu alcansa Aruba. Te
awo no ta mucho preocupa cu biento duro, sino mas bien awasero y poco mal tempo hunto cune.
Entretanto Gobierno di Aruba a yama un conferencia di prensa dialuna mainta den cual lo suministra mas
informacion na comunidad.
