Page 38 - ATA

Anualmente Aruba Certification Program (ACP) ta ortoga su Recognition Awards na
organisacionnan caminda tur nan empleadonan a participa na e programa di certificacion ‘Mi
Compromiso’. Recien, dos organisacion a bin na remarca pa ricibi e Recognition Award 2018

despues cu tur empleado a logra nan Certificado como Local Expert. E organisacionnan aki ta wordo
reconoci como un Embahador di Aruba caminda cu nan a demostra nan compromiso cu Aruba y nan
empleadonan. E prome hotel na Aruba cu a ricibi esaki tawata Aruba Beach Club na aña 2016. E

organisacionnan cu recien a ricibi e reconocimento ta Paradise Beach Villas (pues e di dos hotel cu ta
wordo reconoci) y Monumenten Bureau. Cada un a haci nan esfuerso pa tur nan empleado por a sigui
e programa di Mi Compromiso y wordo certifica. E programa di certificacion aki ta pa garantisa un

nivel di servicio halto y conocemento esencial di nos isla.

Pa bin na remarca pa e Recognition Award ta importante pa tur empleado di e organisacion a sigui e
programa di Mi Compromiso y cu a ricibi nan certificacion. E programa su contenido ta basa riba

historia di Aruba, turismo, naturalesa, cultura y percura pa servicio excelente. E team di ACP ta
sumamente honra di por a otorga e reconocemento di ‘100% Certified’ y ta contento di por informa
cu ya tin varios otro organisacion cu ta candidato pa por wordo reconoci. Pa esnan cu no ta familiar

cu e programa di certificacion of cu lo kier sa mas por bishita e website di ACP, www.acp.aw
of bishita e Facebook page, Aruba Certification Program. Tambe por yama pa mas informacion na
oficina di ACP: na: 280-2924.