Page 19 - Awemainta

AWEMainta Dialuna, 14 December 2015 19

/ORANJESTAD - Durante COP21 na Paris un video a wordo pasa

den cual islanan St. Lucia y Aruba ta hunga un rol eminente pa loke
ta energia renobabel.
Ambos isla ta parti di SIDS (Small Island Developing States), ambos
isla ta berdadero paraisonan cu pa hopi aña a depende di petroleo
fosil, pero awor nan ta wak den direccion di e solo y biento pa
cambia e sector energetico.
Ambos ta canando e caminda pa logra di ta 100% renobabel.

Minister Fletcher di Sostenibilidad di St.Lucia ta bisa den e
video cu a wordo mira pa miyones rond mundo, cu bira sos-
tenibel ta un statement global grandi di un isla chikito. El a bisa
cu St.Lucia casi no tin emision di gas.

“Pero nos mester mustra mundo cu si nos kier ta lider riba e tereno aki,
anto nos mester ta lider den duna e bon ehempel tambe.”

Prome Minister Eman di Aruba a splica cu Aruba por sirbi como un guia
pa paisnan grandi cu kier bira ‘berde’.
“Ora lidernan di ciudad y paisnan grandi ta duda si esaki ta tec-

nicamente posibel y factibel, mi ta kere nos por mustra nan cu e
tecnologia aki ta funciona.”
Mensahe di e video ta cu polucion di gasnan dañino causa pa

demasiado uzo di petroleo fosil, ta causando cambio di clima cu
ta devastador pa SIDS.
Nan nivel di awa ta subi loke ta pone bida di hende na peliger.

Aruba y St.Lucia ta figura den e video, pasobra ambos ta islanan
cu ta trahando duro pa logra di ta 100% renobabel.
Prome Minister Mike Eman: “Nos islanan ta conecta cu naturaleza
di tal forma cu nos ta biba di dje. Nos beachnan bunita, lama blou cu ta
rondona nos ta loke ta atrae turistanan pa nos isla.” Green TV na Paris cu
a traha riba e video a pasa imagennan bunita di nos isla pa tur presente
na COP21 por mira, loke ta un propaganda extra pa nos Aruba.