Page 34 - KPA JAN 19

Vocero di Polis Lito Lacle Polis kier bay ta

mas preventivo den trafico

on: January 18, 2016In: LocalNo Comments
Print Email

Pa dia 1 di Maart, polis lo cuminsa atende accidentenan di trafico grandi so. E chikitonan lo keda
atendi pa e companianan cu ta atende accidente (roadservice) pa companianan di seguro. Segun
vocero di polis, Lito Lacle, Corsou ya tin varios anja ta bezig cu esaki. Loke nan por a demostra
cu e werkdruk riba e departamento di trafico a baha mas cu 90%.
Ya for di 11 di Januari polis ta cuminsa bay na e accidentenan y mutatie ta wordo traha, pero
poco poco nan no lo wordo traha mas. Pa Februari, ainda nan lo sigui bay, pero pa dia 1 di
Maart, compania mester tum’e over.
Corsou ta bezig ya pa 20 aña cu e proyecto aki y e ta exitoso. Lacle ta splica cu e otro agentenan
lo bay dedica nan mes mas na siguridad den trafico y prevencion cual ta tarea di Cuerpo Policial.
Ora tin licht schade, automaticamente compania ta tuma over. Pero asina cu tin un delito den
wega y tin geschil, polis por asisti nan y si tin delito, nan ta tuma over.
Pa loke ta trahamento di rapport e companianan lo tuma over. Pa upload di e rapportnan aki ta
dura menos di dos ora, consecuentemente e servicio na nan clientenan lo ta mas rapido.
Si wak bon, awo tin mas of menos 700 dalmento pa luna y e ta un presion basta grandi riba un
cantidad chikito di polis den e departamento di trafico. Ora cu companianan bay pa tum’e over, e
servicio lo ta mas miho na nan clientenan cu a pasa den un accidente menor.
Si den caso ta un accidente cu un hende ta bebi cu ta cay bou di e ley 5A, polis mes lo tuma e
casonan aki, door cu esaki ta un dalmento cu un hende cu ta bou influencia, cual ta un delito.
Lacle a sigui splica cu si ta un accidente, cu ley 5A, ta wordo full tuma e accidente completo. Si
tin accidentenan simpel ta tuma over.
E cooperacion cu e compainanan lo bay ta optimal, pasobra polis lo bay haya tur informacion di
e rapportnan. Nan ta bay traha di tal manera cu si na un crusada tin hopi dalmento, polis lo bay
traha rapport pa bin cu solucionnan pa e crusadanan aki. Awor aki polis ta bay mas pa
prevencion y percura pa bahamento di accidente pa luna, Lacle a splica.

http://masnoticia.com/vocero-di-polis-lito-lacle-polis-kier-bay-mas-ta-preventivo-den-trafico/