Page 6 - KPA JAN 19

Accidentenan grandi of coremento bou di
influencia polis lo atende

on: January 18, 2016In: LocalNo Comments
Print Email

Si tin accidente grandi of coremento bou di influencia, polis mes lo drenta den accion pasobra tin
caso cu mester bay na detene un hende of mester haci investigacion mas profundo.

Lito Lacle, vocero di Cuerpo Policial a splica cu den caso di Hit & Run, polis ta tum’e over,
pasobra ta un hecho castigabel y polis lo percura pa e rapport y si yega asina leu detene e persona
envolvi.

E werkdruk ta menos y polis ta bay den e parti represivo, esta traha multa pa e personanan aki.
Tambe ta bay den e parti preventivo, door di concientisa pueblo di Aruba pa siguridad den
trafico.

Pa loke ta concientisa, lo bay mira mas blauw riba caya. Lo bay wak tambe mas programa na
television, scucha mas programa na radio y concientisa pueblo di insiguridad den trafico.

Tin cierto grupo cu ta daña pa otro. Polis sigur lo bay pone su atencion riba esaki, aunke cu lo
bay concentra riba comportacion riba tur chauffeur den trafico, sea cu nan ta core den taxi, truck,
bus, etc. E chauffeur mester comporta su mes den trafico, Lacle a bisa por ultimo.

http://masnoticia.com/accidentenan-grandi-of-coremento-bou-di-influencia-polis-lo-atende/