Page 62 - KPA JAN 19

14 AWEMainta Diamars, 19 Januari 2016

Accidente di tráfico
cu prome morto den trafico

WILLEMSTAD – Diadomingo ultimo, alrededor di 17.15’or di atardi

Central di Polis a dirigí un unidad policial na Weg naar Westpunt na
altura di Christoffel Park pa un accidente di tráfico cu herido.
Na yegada di e patruya, nan a topa cu un auto den un mondi di bòlter
cu e chofer den dje.
Cu yudansa di personal di brandweer a logra saca e víctima for di
den e auto.
Ambulance cu a presentá n’e sitio no por a haci nada p’e víctima kende
a fayecé n’e sitio.
For di un investigacion preliminar cu Polis a realisá n’e sitio a resultá
cu víctima, chofer di un auto tabata core riba e caminda ariba men-
cioná direccion Westpunt cu velocidad halto.
Yegando den un bòcht riba e caminda aki probablemente el a mishi
cu su auto n’e bùmper patras di un otro auto cu tabata core su dilanti.
Dor di esaki e chofer a pèrdè control riba su vehículo y baha for di
caminda na man robes, despues subi caminda bek baha for di caminda
na man drechi y bay bòlter den un mondi cu e consecuencia ariba
mencioná.
Dòkter a constatá morto di e hòmber, Eduard Isidoro Lourens, naci na
Còrsou, 15 di mei 1965. (49 aña). El a bira e di promé morto di tráfico
pa 2016. Departamento di Tráfico ta continuá cu e investigacion.