Page 22 - HOH FLIP 5th JUNE 2017

Jeep a perde control completo y a dal den auto riba caminda
di Catiri

Saturday, 03 June 2017 20:38
Comparti

Diasabra atardi, entre 5'or y 5'or y mey di atardi, un cabayero tabata biniendo cu su jeep color blanco, cu
el a caba di cumpra, riba e caminda cu ta net pazuid di Eumar Lock na Catiri direccion p'abao.

Diripiente el a perde control completo di e auto, el a perde brake, perde clotch, y dado momento ora el a
bay lora, el a dal den un otro auto, cu tabata bayendo direccion zuid, lag'e total los. E dama chauffeur cu
tabata den e auto contrario, a keda basta herida, cu ambulance mester a presenta y hib'e hospital pa
tratamento medico avansa. E chauffeur di e Jeep tambe a keda herida, pero leve. Daño ta considerabel.
Tin cu agrega cu e jeep, no tabata tin ningun documentacion riba dje, mirando cu na e momento ey el a
caba di cumpra e auto.