Page 90 - KPA 15 SEPT 2015

Gang di 15 pa 20 mucha homber a causa destruccion formal na Sabana Basora

Publication: Tuesday, 15 September 2015. Categoria: Policial

ORANJESTAD (AAN) — Sabana Basora tabata den noticia policial atrobe ora cu diadomingo
mucha hombernan a causa destruccion y grandi eynan. E prome caso raporta tabata di algo pasa
di mey anochi cu polis a bay na un cas unda nan a papia cu e dama G cu a declara cu mey ora
pasa el a bay drumi cu su nieto.

Pero diez minuut despues el a tende un grupo di hende ta grita pafo di cas y su nieto a bay pafo
pa mira kico ta pasando y a mira mas o menos 15 mucha baldadi.

E muchanan aki a kibra bentananan di e cas. Polis a haci anotacion di e denuncia y pone central
na altura

Den otro caso di Sabana Basora diadomingo , un grupo di mas o menos 1 pa 20 hoben a yega na
un cas den Sabana Basora noord pa bringa cu hobennan di e bario y comete destruccion.

Un di e habitantenan, e dama R. a declara cu ta e gang di Village di mas o menos 15 pa 20
mucha homber a yega na su cas y busca problema cu su primo.

E muchanan a tira piedra den direccion di e cas.

Na un otro cas den Sabana Basora, e muchanan kibra bentana na banda drechi di un auto Suzuki
Ignis blanco y causa daño tambe na e auto cu machete.

Den e auto tabata sinta e dama S cu a resulta herida y a bira histerico.

Ambulance a yega y a dune tratamento den su cas. El a wordo bisa pa haci denuncia.

Den otro caso di Sabana Basora un mucha homber a declara na polis cu el a bay busca su cacho
pafo, y e muchanan homber cu a busca problema den e bario a mir’e y nan a core bin su
direccion.

E hoben a core drenta cas unda e tabata cu su wela y e mucha hombernan a forza porta dilanti y
drenta sala y destrui tur locual nan por a haya. E mucha homber y su wela a cera curpa den baño
pa por a scapa di e mucha hombernan.

E mucha hombernan cu presumiblemente ta di e gang di Village, tabata den grupo di 20
persona, segun reporte di polis. Nan tabata pasa den Sabana Basora Noord y Sabana Basora
cometiendo destruccion y bringa cu gang di Sabana Basora. Nan tabata usa piedra y machete .

Un persona na pia a bisa polis cu e mucha hombernan a core su tras tanto.

Pero pa ora cu polis a controla den Sabana Basora y Pos Chiquito, a resulta cu e mucha
hombernan a desaparece caba, pero ta sperando si mas problema.

http://www.diario.aw/2015/09/gang-di-15-pa-20-mucha-homber-a-causa-destruccion-formal-na-
sabana-basora/