Page 7 - UTITLIES

Pagina 14 Diarazon 17 Mei 2017

Na Catiri:

Un chauffeur a perde control y bay dal riba un palo

di luz y bolter

Diamars madruga a
drenta informe di un
accidente cu hende herida
y pegá den auto na Catiri.
Mesora a dirigi tanto
polis, ambulance como
tambe e equipo di rescate
di bombero pa e sitio. Na
yegada di e patruya a bin
compronde cu aki ta trata
di e Toyota preto A29958
di cual su chauffeur a perde
control y bay di banda dal
un palo di luz. Despues
el’a bolter y cay mey mey
di caminda. E auto a keda
cu su 4 wielnan na laira
y e chauffeur a keda faha
boca abao pa basta rato.
Ademas tabata dificil pa
yega na dje.

E chauffeur tabata
sangrando y tabata tin
dificultad pa hala rosea.
Na yegada di e ambulance,
personal di ambulance
a purba cuminsa atende
e victima pero tabata
tin mester di e equipo
di rescate di bombero
na e sitio. Na yegada di
bombero nan a corta e auto
y a logra libera e victima.
Ambulance a tuma over y
a transporta e victima cu
urgencia pa hospital.