Page 35 - MIN ARENDS

Arondino Croes: Contento cu Santa Cruz tin tur atencion di
Gobierno

Tuesday, 18 July 2017 20:14
1

Comparti

Diabierna ultimo otro bario di Santa Cruz, esta Papilon, a haya luz bou di e programa Luz den Bario.
Prome Minister Mike Eman un biaha mas a subi den truck pa personalmente cende e prome luz di e area
ey di Papilon, pabou di caminda grandi di Santa Cruz.

Den e ceremonia e mandatario a wordo compaña pa habitantenan di e area ey di Papilon y e candidato di
AVP Arondino Croes, kende a expresa di ta hopi contento cu e maneho di 5 strea a yega na Papilon den
Santa Cruz tambe. “Esaki ta danki na e vision nos Prome Minister Eman, kende a priminti di hiba esaki
den tur bario di Aruba. Despues di Angochi y Cas Ariba, awo a toca turno na Pailon.”

Arondino Croes, candidato nobo di AVP di e bario di Santa Cruz, tabatin masha palabra di elogio pa e
proyecto cu Gabinete Mike Eman II a realisa cu Sint Antonius College. E ta un scol cu e mes a bishita den
su tempo di hubentud. “Cu orguyo mi ta wak con e maneho di 5 strea ta manifestando den educacion
tambe. No ta papia solamente di iluminacion pero tambe den e parti educacional, dunando esaki su
contenido p’asina e hobennan di Papilon y e barionan bisindario tin un miho ambiente di scol, cu nunca
antes a haya un tipo di renobasina di 5 strea. Awo nos ta conclui cu e bario di Papilon mester ta den
celebracion. Pabien na pueblo di Santa Cruz en general pasobra e maneho di 5 strea realmente a yega
Santa Cruz.”
Prome Minister Eman di su banda a bisa cu tin varios area di Santa Cruz unda cu tin caminda di santo cu
ta riba lista tambe pa haya asfalt. Den e proximo dianan ta bay ta anunciando e areanan unda cu e asfalt
lo wordo poni. “E lo trece inconveniencia pa un par di dia pa cual lo notifica e bisiñanan adelanta.” Un
caminda cu ta wordo hopi usa door di habitantenan di Santa Cruz cu a wordo completamente renoba ta
esun di Sabana Basora y ta cla caba. E ta un caminda cu ta yega Franse Pas pa yega Santa Cruz. “E ta un
joya di caminda pa habitantenan di Sabana Basora y Santa Cruz.”