Page 16 - Awemainta 31Oct,2015
P. 16
16 AWEMainta Diasabra, 31 Oktober 2015
Diahuebs anochi
Dos herido despues
cu scooter a dal
den Yaris banda di
Valero Esso Ville
UN desgracia basta serio a sosode diahuebs anochi algo pasa di 8or. Polis a bay cu
urgencia banda di Valero Esso Ville ora e yamada a drenta.
Na yegada a topa cu dos persona benta riba caminda. Dos hoben cu tabata coriendo
riba bromer a dal masha duro mes den un auto cu lo a sali of lora nan dilanti.
Tin version cu e bromer no tabata bin cu luz. Esaki no ta confirma 100%, pero ta loke
tabata wordo menciona n’e sitio.
Paramediconan di Ambulance tambe a presenta n’e sitio y a cuminsa mesora atende
cu esnan herida. Uno tabata mas grave cu otro.
Nan mes no por a lanta for di suela, mirando e golpinan fuerte cu nan a haya. Ambos
a wordo transporte cu urgencia pa hospital den dos diferente ambulance. Uno tabatin
fractura na pia.
