Page 16 - MIN VOS - JULI 6,2015

Varios Snacktruck no a pasa e Control cu exito

Publication: Monday, 6 July 2015. Categoria: General

ORANJESTAD (AAN): Desde siman pasa bo ta sinti falta di algun Snacktruck? Esey ta bin
debi cu e Control di Autoridad riba lugarnan di bende cuminda a pasa y raspa!

Algun Snacktruck a haya luz berde y aprobacion pa tur asunto! Limpieza, higiena, forma di
opera, y trahadornan cu Carchi Berde.

Sinembargo no ta tur otro Snacktruck tabatin suerte. Sea pa un of mas violacion di e
reglamentonan, descubri durante e inspeccion, a pone cu nan mester a stop di funciona.

Localidadnan a wordo controla a base di higiena principalmente, y e expertonan local sa
precisamente con pa detecta e fayonan.

Loke ta mas importante pa hopi hende, ta e Carchi Berde di control di salud, cu cada trahador
den sector di alimentacion mester tin.

DIARIO a nota cu un popular Snacktruck pabao di Brug, a wordo haya cu ningun trahador cu
Carchi Berde. Pero e negoshi no a cera, debi cu e propietario a core busca trahadornan
reemplazante cu si tin carchi berde, y asina e por a sigui brinda servicio.