Page 53 - MIN VOS - JULI 6,2015

Dialuna 06 Juli 2015 Pagina 25

Solo di Pueblo... Noticia Local.....

Brazil Taekwondo Stichting su team di Korea a roza

Sero Alejandro

Diasabra mainta tempran
Opa a cuminza busca
e muchanan pa asina
nan por train na Sero
Alejandro cu e idea pa
train atardi 2'or atrobe.

Na pia di e sero
semper ta cuminza cu
e warming up pa asina
los e spiernan prome cu
cuminza core subi e sero
na unda cu tin e tanki di
awa.

Diasabra tabata e prome
biaha cu nos a haya un
miembro nobo cu ta
Lixandra Bello kende a
bin purba con e training
ta pafor, pero e mester a
entrega su mes despues
di 45 minuut.

Pa tur ehercisio cu a
wordo duna mester a
subi e sero haciendo
esaki y ta rekeri hopi
forza den e pianan. E
dos ora di training a
pasa masha liher mes y
e team a keda casi na
werki.

Manera e lema di Brazil
Taekwondo Stichting
ta bisa Train Hard Fight
Smart. Semper pa
prome biaha nan no sa
cumpli cu e training,
pero despues di un paar
di biahanan si.

Clifford Rasmijn kende lo
bay ta e coach na Korea
ta den full preparacion
cu e team y por papia
di un diferencia grandi
specialmente na Justin
Arrindell kende a subi e
intensidad y seriedad di
training. Asina por bisa di
algun atleta mas. Clifford
Rasmijn a papia hopi cu
e team pa nan hinca
den nan cabez cu nos
ta bay pa gana, manera
nos sa di haci ora cu nos
biaha unda cu nos bay.
E biahe aki ta uno largo
y hopi importante pa tur
cu ta biahando pa Korea
pa prome biaha. Otro
siman lo bay ta e ultimo
training na Grape Field
cuminzando na e Anker.