Page 12 - Minister Alex Schwengle
P. 12
Pagina 32 Diabierna 05 Juni 2015
E-mail: solodipueblo@gmail.com
Pa mas di 10 aña:
IBiSA ta duna oportunidad na e Adulto pa keda activo
E programa
di ehercicio
organisa y duna
pa instructornan di
IBiSA (anteriormente
IDEFRE) pa adulto
ta uno cu tin mas di
10 aña di existencia
continuo y ta encera
e parti di movecion
aerobico den awa
esta “aquaerobics”.
Tur dialuna mainta
e ehercicio ta wordo
duna for di 8:00
a.m. pa 9:00 a.m.
na Community Pool
na San Nicolas
y actualmente e
ta wordo instrui y
guia door di sra.
Jacqueline Ponson
van Putten di IBiSA.
Na e ehercicio por
participa tanto damas
como cabayeros
adulto cu ta desea
di keda di un forma
of otro activo y den
movecion.
Ademas di haci
ehercicio e
participantenan
ta goza di un rato
masha ameno den
compania di otro y
ta un ‘happening’ tur
dialuna mainta. Algun
participante a conta
cu nan tin 12 aña caba
asistiendo tur dialuna
na e programa di
movecion y cu nan ta
disfruta positivamente
haciendo ehercicio y
manteniendo e curpa
den condicion. Y cu
esaki ta un forma
pa yuda nan sigui
riba un estilo di bida
saludabel combina cu
un bon nutricion.
Participacion
na e programa
di ehercicio ta
C O M P L E TA M E N T E
GRATIS y tur adulto
por participa. Por
yama libremente
na oficina di IBiSA
telefoon 582 4987 pa
mas informacion.
