Page 5 - Minister Alex Schwengle

Diabierna 05 Juni 2015 Pagina 19

Solo di Pueblo... Local.....

Brazil Taekwondo Stichting a tene su car wash y BBQ

pa recauda fondo

Diadomingo pasa e team di
"Train Hard Fight Smart" a
tene su car wash y BBQ pa
asina recauda fondo pa e
biahenan cu tin plania pa e
aña aki, entre otro Surinam,
Costa Rica, Orlando y
Corsou. Tur esnan cu kier
biaha pa asina representa
nos bandera y nos escudo
mester bende carchi di car
wash pa asina nan biahe
por wordo realisa. For di
trempan a cende e grillnan
pa asina por a cuminsa
BBQ e carninan, mientras
cu e otro miembronan
tabata den cushina ta
preparando e boxnan pa
manera cu e carninan
tabata cla a cuminsa hinca
esakinan den caha. E parti
di car wash tabata den
mannan di Jervis Lowe na
unda cu e la reparti tur e
muchanan pa manera cu e
autonan yega, pa nan haya
nan briyo.

Tur Luna Brazil Taekwondo
Stichting ta organisa car
wash y BBQ pa asina por
paga e gastonan di e bus,
campeonatonan, servicio
pa e bus etc. Pa e muchanan
por biaha, nan tarea ta pa
bende carchi di car wash.
E carchi di car wash ta
solamente 10 florin y ta
bay 100% pa e atletanan.
Awor algun atleta di Brazil
Taekwondo Stichting ta
bayendo Surinam pa asina
representa Aruba y na luna
di Juli tin e grupo di 8 atleta
cu ta bayendo Korea pa
asina participa na e Open
di Korea y dos atleta lo
participa na e campeonato
mundial di cadet na Korea.

E siguiente car wash y
BBQ ta dia 28 di Juni,
unda cu nos ta spera ariba
nos pueblo cu semper
ta coopera cumprando
BBQ y nan auto cu ta
haya nan briyo. No por
keda sin menciona cu
Dr. Guaicaipuro Jimenez
kende ta e presidente di
Aruba Taekwondo Bond
tambe a bin duna su sosten
na e team di Train Hard
Fight Smart.

Alberto Klabér

Brazil Taekwondo Stichting