Page 21 - AVP
P. 21
ORANJESTAD (AAN) – Parlamentario Endy Croes di fraccion di MEP, den conferencia di
prensa e siman aki a cuestiona sr. Benny Seviger di fraccion di AVP, bisando cu esaki a
referi na un manera irespetuoso contra Minister Presidente y tambe su colega sr. Rocco
Tjon, via un radioemisora.
Tambe el a cuestiona sr. Robert Candelaria cu ta un pastor cu ta pone man riba cabes
di hende, anto como parlamentario ta un Diablo, segun su palabranan.
El a agrega cu Benny a lastra Minister Presidente y a bay den bida priva di Rocco Tjon,
y cu no tin razon; pero Tjon ta suficientemente grandi cu e por defende su mes.
Endy Croes a indica tambe cu el a tuma nota di un documento di 19 di Juli 2010, unda
cu Rocco a wordo a keda libera di tur acusacion. Pero despues Benny a bay Hof pa sigui
persigui Rocco Tjon y dia 2 di September di 2010 atrobe a hala un banda tur acusacion.
Segun parlamentario Croes Benny y Candelaria (cu conoce e caso bon) kier saca
probecho politico di dje. El a menciona tambe cu ora e ta scucha un reportero cu ta
papia na radio merdia, con e ta lastra Prome Minister, un dama inteligente, capacita,
prepara y studia cu a sacrifica su yiunan y famia pa instala Aruba riba otro nivel, e ta
mira cu esaki ta falta di etica di un prensa.
Endy Croes a menciona cu e ta trece esaki dilanti pasobra den e mesun programa el a
wordo acusa pa Benny Sevinger, y e ta warda pa hopi dia y cu ansiedad, e momento cu
un hende menciona cu nomber y fam loke Benny a bisa di dje cu e ta un pedofil, y a
grite den aire.
El a mustra den conferencia di prensa dia 9 di December cu e mesun dia aki el a
entrega un keho oficial contra Benny Sevinger, ken tin cantidad di cargo contra dje
caba, unda e lo bay tin hopi problema pa saca su mes di corupcion di tereno, pero esaki
ta bay bira un encargo extra pasobra e no tin pura.
E ta laga e keho entrega penalmente na Ministerio Publico, cana su caminda, pasobra
tin otro casonan igual unda politico y ex politiconan a haci uso di expresionnan cu nan
no por a prueba, cu no ta existi, y nan a haya bastante miles di florin na multa.
