Page 56 - AVP

Nos mester puntra nos mes cu ki cara AVP ta papia di democracia y Parlamento si AVP
a trapa riba tur principio di democracia na Aruba.

1. Resultado di eleccion 2017. No tin prueba mas grandi pa e falta di respet

mas grandi cu por tin pa pueblo y nos sistema electoral cu e desprecio cu e
lider di AVP a demostra.
Decision di un total di 7.822 votado a wordo poni un banda despues di eleccion, ora
Mike Eman a nenga di drenta Parlamento caminda awe AVP ta representa pa solamente

9.770 voto.

Laga AVP no bini cu e storia cu ta pa partido ta vota, pasobra Mike a core campaña pa e
bira e politico cu ta haya mas voto na Aruba.

Hamas den historia di Aruba, e lider politico di un partido cu a gana eleccion a keda for
di Parlamento na un momento cu e pais mester a busca rescate di un desastre
economico y financiero cu su partido a laga atras.

Por bisa pues cu Mike Eman a ripiti su welga di hamber pa evita cu e mester acepta
responsabilidad porfin den su carera despues di a manipula pueblo cu politikeria.

2. AVP a nenga di forma gobierno den tempo di crisis. Awe AVP kier pone
Aruba riba su cabes pa AVP bolbe na mando. Pakico AVP no a keda na mando? Pakico
Mike Eman como ganado di eleccion, no a forma un gobierno manera MEP a haci? Ta
AVP a exigi Evelyn Wever-Croes pa forma un gobierno y bira Ministro Presidente y ta

AVP a dicidi cu Aruba lo tin un gobierno a base di e coalicion actual.
3. AVP a trapa riba leynan con pa uza placa di pueblo y no hinca pueblo
den un desastre. Hulanda, instancianan oficial den rapportnan oficial, ta
mustra con AVP a trapa riba nos leynan pa gasta placa di pueblo contra

reglanan legal. E rapport Bo Aruba ta uno di e poco rapportnan di Algemene
Rekenkamer Aruba cu ta un acusacion directo con a rementa leynan pa gasta
placa na Aruba. E rapport ta acusa gobernacion y mayoria di AVP den
Parlamento pa e forma cu a hinca Aruba den peliger directo cu proyectonan

PPP y PPS cu ta kibra nos futuro.
4. AVP a trapa riba leynan pa haci Parlamento ridiculo pa e por a
introduci e proyecto Citgo cu Nicolas Maduro contra tur conseho!