Page 20 - CITGO

ORANJESTAD(AAN): Por a tende cu San
Nicolas Business Association a yega cerca gobierno cu un mapa di intencion pa
desaroyo di San Nicolas. Mario Croes, secretario di San Nicolas Business Association, a

splica cu dia 9 di Maart nan a keda eligi y e directiva nobo a propone su mes pa bin cu
un mapa di transformacion.

Motibo cu kier a bin cu esey, pasobra den pasado, tur e iniciativanan cu tabata tin na

San Nicolas tabata manera desconecta cu otro. Nan ta traha rotonde, un Carnival
Village, pero no tabata tin un acercamento integra. E biaha aki ta trah’e, pero den un
mapa cu ta integra henter e acercamento con kier e desaroyo di San Nicolas.

Trahando e mapa ey a realisa cu e no por ta di San Nicolas so, pasobra San Nicolas ta
forma parti di Aruba y Aruba ta parti di San Nicolas. Loke a resulta di e plan ta, cu e
desaroyo di San Nicolas, manera cu a propone, ta bay bira e siguiente nivel cu Aruba
tin cu bay. San Nicolas ta bay bira frontera pa logra esey.

A cuminsa ta establece di con mester bin cu algo asina, pasobra e situacion ta pidi pa
bin cu algo diferente. No solamente San Nicolas, cu awor aki, segun e rapport di CBS cu
a sali un luna y mey pasa, cu ta bisa cu e parti mas pober di Aruba ta San Nicolas

South. Ora cu nan a constata pobreza na Aruba, tabata un index cu tabata compone no
solamente di entrada, pero tambe situacion na cas, cuanto hende tin malo, cuanto
dropouts tin di school. E index ey a bisa cu San Nicolas ta un di esunnan mas pober di
henter Aruba. No solamente Aruba ta den problema, pero San Nicolas tambe ta den

problema.

E mapa cu a traha awor aki ta bisando si Aruba kier sobrevivi den economia global, nos
mester wak nos pais como un empresa cu ta produci balor. Den esey nos mester por