Page 6 - FDLP
P. 6
24 AWEMainta Diahuebs, 7 November 2019
Federacion di Tennis di Mesa a tene su torneo di ranking
E sistema di ranking ta uno hopi importante p’e Federa-
cion di Tennis di Mesa, esta Aruba Table Tennis Associa-
tion unda hungadornan tin cu lucha cada torneo pa keda
halto den puntuacion y posicion p’asina e representacion
den exterior por ta mas cu bisto na fabor di esnan cu ta so-
bresali.
Den e ultimo añanan por a ripara cu esaki a yuda masha
hopi unda e atletanan ta haci nan maximo esfuerso pa man-
tene of mehora nan nivel p’asina duna un mihor bataya na
nan contrincantenan mas sercano pa a lo largo bira e num-
ber uno den nan categoria.
E competencia aki sin duda ta uno sano y e mayoria ta haya
e oportunidad pa midi nan nivel den exterior esaki den tor-
neonan renombra den region y continente.
Aruba Table Tennis Association lo sigui haci su maximo es-
fuerso pa cumpli cu nan atletanan organisando torneonan
individual y team esaki tanto na Santa Cruz y San Nicolas.
Den e resultado di ranking den luna di october nos tin den
U13, na prome lugar Shaun Kock, na di dos lugar Quetin
De Lisle, na di tres lugar Dylan Deleca, na di cuater lugar
Brandon Deleca, na di cinco lugar, Ethan Fan y na di seis
lugar Chase Fan.
Pa loke t’e U-15 y Damas, nos ta haya na prome lugar,
Josielienne Boekhoudt, na di dos lugar Ethan Fan, na di
tres lugar Brandon de Leca y na di cuater lugar Shuan
Kock.
Den Damas nos tin na prome lugar, Soraya Solagnier, na di
dos lugar Jayslin Geerman, na di tres lugar Miriala Lobo,
na di cuater lugar Kaydee Gomes, na di cinco lugar nos tin
Rosa Solagnier y na di seis lugar nos tin Rixnalda Besse-
link.
Pa loke t’e ranking den A y B klas aki nos ta haya na prome
lugar Mario Lobo, na di dos lugar Andy Gomes, na di tres
lugar Wing Chow Leong, na di cuater lugar Aldfred Leong.
Den e categoria B-klas, nos tin na prome lugar Zhao Xie, na
di dos lugar Sue Ann Leong, na di tres lugar Micheal Ling y
na di cuater lugar nos ta haya Donald Yarzagaray.
Stichting Sportsubsidie Aruba ta contento di por aporta y
brinda e ayudo n’e Federacion di Aruba Table Tennis, cu
tur luna ta organisa e torneo di ranking pa nan atletanan
di tennis di mesa.
