Page 20 - AM191214
P. 20
20 AWEMainta Diasabra, 14 December 2019
Gamma IT Solutions a participa den
Hour of Code cu Mon Plaisir Basis
DIAMARS, 10 december ultimo, dos klas di Mon
Plaisir Basis, klas 5A di meneer Onno y klas 4B di
juffrouw Esther, a bishita Gamma IT Solutions pa
participa den e Hour of Code.
E muchanan a wordo guia dor di e team di Gamma
IT Solutions conhuntamente cu nan maestronan.
Tur aña muchanan rond mundo ta participa cu e
Hour of Code, cu ta un proyecto pa introduci mucha
na “Computer Science” cu e meta pa stimula nan in-
teres den e area aki. Via e website www.code.org,
muchanan por hunga weganan cu ta siñanan e base
di coding.
Teiry Croes, Marketing Manager di Gamma IT So-
lutions, ta comenta: “Nos ta sumamente contento di
por a comparti cu e muchanan y ta gradici e maestro-
nan pa participa cu nan alumnonan.
Di e mesun manera Gamma IT Solutions ta encu-
rasha mas organisacion pa participa den e Hour of
Code pa beneficio di tur nos muchanan na Aruba.”
