Page 9 - cmb

DIABIERNA 20 AUGUSTUS 2021 DIARIO PAGINA 29
Adicto

Ambulante a

laga potoshi

di articulo

benta patras

di negoshi

ORANJESTAD (AAN):
Riba Diaranzon banda di
5:10 pm, a worde reporta
na Central di Polis cu tin
un Adicto Ambulante ta
causa molester den Kerk-
straat na Playa, na altura di
‘Flor de Oriente’.
A base di e informacion,
e unidad di Polis di Playa
a bay na e lugar, y aki a
papia cu e persona encarga
cu Flor de Oriente, esta e
dama di inicial D.
E dama di inicial D. a
declara cu e doño mes di
e lugar y henter e edificio
a bay vakantie y el a lag’e
encarga pa controla e edi-
ficio.
Ora cu e dama D. a bay
controla patras di e edi-
ficio, el a bin ripara cu
un Adicto Ambulante
desconoci a bay laga tur su
potoshi net dilanti e porta
patras. Ta trata aki di hopi
caha yena cu paña, comes-
tible, etc.
A base di e potoshinan
aki, Polis a realiza cu nan
ta trata di e conocido Adic-
to Ambulante di inicial L.
Polis a dicidi core den
e area pa wak si acaso nan
por topa cu e Adicto Am-
bulante femenino di inicial
L. Na altura di Elleboog-
straat nan a bin topa cune.
Polis a papia cu e Adicto
Ambulante, y a dune ordo
pa e bay recoge delaster
potoshi cu el a laga benta
patras di Flor de Oriente.
El a compronde, y e muher
finalmente a bisa cu e ta
bay hacie. Y e muher a
bay recoge tur su potoshi
di eytras.
Na final, Central di Polis
a wordo poni na altura.