Page 14 - AWEMAINTA
P. 14
14 AWEMainta Diabierna, 29 December 2017
Parlamentario di AVP Robert Candelaria
Trahando riba concepto di ley pa
uza drone den cadena hudicial
PARLAMENTARIO di AVP Robert Can-
delaria a reuni cu Vincent “Vince Irie” Tonk,
kende ta den mundo di drone, y asina aki
el a ricibi mas informacion di drone. Robert
Candelaria tabata bezig cu un proyecto di
ley, unda kier reglamenta e “inzet” di drone
na Aruba.
Durante campaña e tabata papia hopi di es-
aki, unda cu lo bin cu drone pa bula na Aru-
ba pa asina asisti e cadena hudicial. Pero e
kier bay mas aleu cu esey door di reglamenta
drone. Esaki ta nifica cu tin hendenan cu tin
e hobby y ta den e mundo di drone, con nan
por facilita pa regla con nan ta haci den nan
mundo pero tambe e parti hudicial.
Lo tene cuenta riba siguridad y tur aspecto
necesario pa ora cu ta den e mundo di drone,
tur cos bay corecto y den un manera safe y
ta na beneficio di tur. “Esey aworaki mi ta
bezig ta tumando y buscando informacion”,
asina Robert Candelaria a expresa. Vince Irie
a comparti su experiencia y experticio, unda
cu poco poco e ta formando e imagen unda
kier yega cu leynan pa Aruba cu drone.
Vincent “Vince Irie” Tonk, ta un drone racer
profesional, a splica cu e concepto di drone
ta pa pusta drone rond di un drag di cual
nan ta pasa obstaculo. Den e competencia
4 drone ta bay halto pareu y esun cu yega
prome ta gana. Na e momentonan aki tin
campeonatonan mundial di drone y Vince
Irie a participa na nan. Esaki ta un deporte
grandi y durante e reunion cu Robert Cande-
laria, el a papia riba e deporte y kico por haci
esaki pa Aruba, tene safe y haci’e dibertido
pa tur hende.
