Page 6 - NAGICO
P. 6
Dialuna pasa, Ainhoa Quant a wordo elegi como ganador di NAGICO su Carnival Art
Contest. Durante e siman nan pasa, hobenan entre edad di 13 pa 20 aña a haya e
oportunidad pa demostra nan talento cu un obra di arte unico, inspira door di musica di
carnaval y crea specialmente pa e competencia.
Entre otro, e diseño mester a inclui e icono di NAGICO su logo. Despues di un
deliberacion intensivo, consistiendo di e team di Nagico a selecta e obra di Ainhoa Quant
como e ganador. Ainhoa di 16 aña, a gana 2 pasashi ida y buelta pa Miami cu un estadia
di 5 dia y un tour den e famoso districto di arte Wynwood, y naturalmente e gran
reconocimiento di su diseño ganador riba material promocional di NAGICO durante
Carnaval 2020. Riba e imagen por mira e momento cu un representante di NAGICO ta
entrega Ainhoa su premio.
Lo estrena e diseño ganador durante Carnaval 2020, caminda e ta wordo instala riba
trailer di differente banda musical y otro material promocional di NAGICO. E diseño di
Ainhoa ta un di e obranan cu a participa. Durante e concurso, NAGICO a organisa un
tayer bou di guia di artista Vanessa Paulina den cual a duna un introduccion na musica y
herencia di nos carnaval y a siña e studiantenan algun concepto y tecnica di arte, manera
neurografia y dibuho, cu a yuda nan pa traha un diseño mas fuerte.
Tambe Galleria Baz-RRR a habri su portanan pa un y tur por a uza nan facilidadnan y
material completamente gratis, pa asina tur hoben di Aruba por a haya un chens pa
demostra nan talento. NAGICO ta masha contento cu tanto animo y a keda hopi
impreciona cu e nivel di e obranan. NAGICO ta bisa danki na tur hoben cu a participa y a
sa di demonstra tremendo talento!
https://24ora.com/ganador-di-e-exitoso-nagico-carnival-art-contest-ta-conoci/
