Page 28 - WEB

Technologies, encarga cu iluminacion di henter Watty Vos Boulevard no ta mucho bon

conoci cu e maneho di utilidadnan y palonan di luz riba camindanan publico.

For di tur tempo, NV Elmar tin un acuerdo cu DTI cu nan ta dera e kabelnan di coriente

por lo menos 60cm bou di tera. Esey pasobra di experencia nan sa cu ora di awasero, ta

laba e kabelnan saca for di bou tera y expone nan na publico di un forma masha

peligroso. Sinembargo, NV Elmar no tabatin suerte pa gana e destaho publico pa

iluminacion ni di Green Corridor ni tampoco di Watty Vos Boulevard y como tal a pasa e

trabou pa otro compania priva.

Probablemente e companianan aki ta nobo den e industria y kisas no mucho versa cu e

custumber of experiencia di utilidadnan di Aruba. Probablemente bou presion pa cumpli

cu e “opleveringsdatum” di e proyecto, a coba e kabelnan na solamente 20cm bou di tera.

Consecuentemente, e prome caida di awasero, ata tur e kabelnan bek riba tera!

E compania Mota Engil ta responsabel na DOW pa henter e proyecto y mester garantisa

cu e tipo di erornan aki no ta sosode y cu no ta expone peliger di coriente na publico. Den

e caso specifico aki, tin peatonnan ta caya eybanda y cu tur consecuencia cu esaki lo por

tin. Ta urgi DTI pa tin un bista masha critico riba e tipo di erornan asina, pa garantisa cu

companianan nobo ta atene nan mes na standardnan normal di instala palonan di luz riba

caminda publico.

https://24ora.com/kabel-di-coriente-peligroso-riba-watty-vos-boulevard/