Page 43 - MIN ARENDS

Partidonan MEP, POR y RED a bolbe

reuni cu Gobernador awe

Posted on 10/9/2017 7:19 pm AST | Updated on 10/9/2017 7:19 pm AST

ORANJESTAD – Lider di partidonan MEP, POR y RED esta Evelyn Wever Croes,
Otmar Oduber y Ricardo Croes respectivamente a reuni awe cu Gobernador Alfonso
Boekhoudt, como continuacion di e reunionnan pa cu formacion di un proximo gobierno.
Mientras cu no a trata e tema di formador ainda, partidonan a confirma despues di nan
audiencia, cu nan ta riba e bon caminda pa cu formacion di un coalicion posiblemente di
tres partner. Tur tres a mustra disponibilidad, aunke ningun no kier duna aden mas leu cu
esey, esta riba posibel reparticion di cartera, cuanto minister cada un ta haya y otro
asuntonan di e indole ey. Ta mas sigur cu e siman aki ainda Gobernador lo nombra
Evelyn Wever Croes (of un otro persona) como e formador, y lo tin 3 siman pa forma un
gobierno nobo. Wever no a descarta cu lo tin cu reduci e cantidad di minister di MEP, di
5 pa 4 pa por acomoda e otro partidonan (posiblemente POR 2 y RED 1), pero ora ta
asina leu, lo trata esey. Di parti di RED, Croes a sigura cu si nan forma parti di gobierno,
nan lo mester haya un minister, pero no a bisa cua cartera, ni ken lo asumi e funcion.
Croes a sigura si cu, Dios mediante, fin di luna e lo wordo huramenta como