Page 23 - MIN ON

6 AWEMainta Diabierna, 7 Juli 2017

Reunion Anual di Miembronan di ReD

A aproba Ricardo Croes

como lijsttrekker y a

presenta Nuris Lampe MD

awor como candidato nobo

E Reunion di Miembrecia di ReD Democratico (Algemene Ledenvergadering) a
tuma lugar dia 2 di juli 2017 na ATIA Building for di 13:00pm te cu 17:00pm.
Despues cu directiva, cu aprobacion di consehero, a presenta sr. Ricardo Croes
como e “lijsttrekker” nobo di e lista electoral 2017, e publico presente “bij ac-
clamatie” a aproba esaki.
Den un “Bijzondere ALV”, cu lo tuma lugar dia 30 di juli proximo lo aproba e
lista completo, cu secuencia di e candidatonan rib’e lista. Aunke cu nos sa cu pa
ReD for di su inicio no ta conta ki number bo tin riba lista, sino ta cantidad di
voto di cada candidato ta determinante ken ta drenta Parlamento, den caso cu
haya asiento(nan).

A presenta tambe e programa di ReD 2017, cu ya ta disponibel online via nos
pagina di Facebook ReD Democratico. E meta final ta pa logra bon gobernacion
(goed bestuur, good governance) y e mihor medio pa logra esaki n’e momentonan
aki ta via un zakenkabinet, idea cu a ricibi apoyo di e membronan y simpatisan-
tenan di ReD.

A informa e miembronan cu tur e esfuerso pa yega na un lista combina un bes
mas no a duna fruto, y nos kier gradici e ciudadanonan, cu no ta afilia na ningun
partido, y a fungi como persona di contacto neutral entre e diferente partidonan
y nan unico interes tabata e interes general.
Nan intencion tabata genuino a pesar cu no a logra pa combina lista.

E energia den e sala yen tabata uno sumamente positivo y tur skina ta tende
cu ReD t’e speransa p’e cambio. E presentacion di e candidatonan ta mustra cu
ReD a pasa den “verjongingsproces”, ya cu e mayoria presente tabata representa
e generacionnan mas jong.
Tin speransa pa ReD, tin speransa pa Aruba, esey tabata e ambiente di e reunion
di diadomingo cu a pasa.
Nos kier gradici Presidente di directiva di ReD, ir. Robby Croes, pa tur su trabao
cu a hiba na un reunion exitoso di ALV bou di su liderasgo.

Tambe ReD ta presenta un candidato nobo den persona di dokter Nuris Lampe,
kende a studia medicina na Venezuela y Mexico y a specialisa den dermatologia.
E tabata pa hopi tempo Presidente di e Asociacion di Specialista di Aruba. Tambe
e ta activo riba tereno di pintura artistico.
Ta trata di un profesional excelente cu ta cla pa sirbi nos pueblo via politica cu
t’e vocacion di mas noble cu tin. Dokter Nuris Lampe ta enrikece e famia di ReD,
despues cu el a keda presenta como candidato di partido MAS, pero a gradici pa
uni na ReD. Bon bini y danki!