Page 4 - MIN ON

Jerry Morris lo presenta su buki

dialuna awo na Biblioteca

7 July, 2017
0

Biblioteca Nacional Aruba ta organisa un presentacion di buki di e autor y
deportista profesional Jerry Morris. Jerry Morris ta un campion den Muay Thai

boxing y den Shidokan karate. El a nace na Aruba y ta biba na Hulanda. Cu
mucho gusto e ta comparti su storia cu nos publico local titula ‘To fail or
succeed is a choice’. Esaki ta trata e storia di su bida, su experiencianan, su

desaroyo como deportista profesional y como persona. E presentacion di buki ta
tuma luga dialuna awor 10 di Juli y ta cuminsa 7or. E presentacion ta na Ingles.

Un y tur ta bon bini.
Jerry Morris a nace na Aruba y cu 4 luna su famia a muda pa Hulanda. Ainda e

ta bishita Aruba como cu e tin famia na Aruba. Jerry Morris tin un carera exitoso
na Hulanda den mundo di deporte y a traha duro pa logra su soño. Manera e ta

bisa den su buki “During my life as a professional fighter, I have experienced a
lot of ups and downs. So, this story is about my achievements and failures. I
hope that my story can be a motivation for all” E autobiografia ta obtenibel

online na dos idioma, Ingles y Hulandes. ISBN: 9789048437702

Biblioteca ta invita muy en especial mucha y hoben cu ta practica Muay Thai
boxing y Shidokan karate pa cera conoci cu Jerry Morris dialuna awor na
biblioteca na Playa.