Page 11 - Newspaper Clippings HOH Mrt 9, 2015
P. 11
HOH
http://www.24ora.com/local-mainmenu-5/92639-hospital-ta-invita-comunidad-pa-brinda-cu-un-glas-di-
awa
Hospital ta invita comunidad pa brinda cu un glas di awa
Sunday, 08 March 2015 19:24
Comparti
E brindis cu un glas di awa pa 12’or di merdia riba Dia Mundial di Riñon ta un simbolo cu ta apoya e
accion y esfuersonan di conscientisacion pa cu cuido di e riñonnan. E team di Clinica di Dialyse a pidi tur
nan coleganan den tur departamento di hospital pa uni cu nan den e brindis aki diahuebs awor dia 12 di
maart.
E conmemoracion di Dia Mundial di Riñon na Aruba a cuminsa caba for di diadomingo y ta sigui ful e
siman. Hospital ta apoya y yuda den e esfuersonan y actividadnan di conscientisacion organisa pa ImSan
y Kidneys 297, mientras cu Clinica di Dialyse mes tin actividadnan special planea pa nan pashentnan
tambe.
Roselyn Carolina, kende ta un nurse specialisa den dialyse, a splica cu pa nan pashentnan cu ta bin pa
ricibi nan tratamento di dialyse e dianan aki lo tin dos actividad special, cual e pashentnan mes a scoge,
esta hersengymnastiek y bingo. Asina pashent y nursenan ta pasa un momento ameno hunto; algo
diferente compara cu e dianan di tratamento regular.
Roselyn Carolina a conta cu ora e la caba su estudio di Verpleegkundige A, el a bay asina yama “kijkstage”
na Clinica di Dialyse y na Spoedeisende Hulp (SEH). El a scoge pa specialisa den dialyse y tin awo 10 aña
trahando pa hospital, di cual shete aña ta como nurse di dialyse. E gusta su trabao; e amor pa pashentnan
di parti di e nursenan ta presente, tin cu ta trahando hopi aña hunto.
E intencion di Clinica di Dialyse ta pa den futuro ofrece mas charla pa conscientisa pueblo miho pa cuida
nan riñonnan. E cantidad di pashent pa dialyse ta creciendo y e edad di e pashentnan ta bahando; mester
haci esfuersonan mas intensivo y tin mas conscientisacion den nos comunidad tocante con pa cuida e
riñonnan miho y preveni cu un dia e organonan vital aki ta faya. E pashent di mas hoben cu Clinica di
dialyse a yega di conoce na Hospital, tin apenas 15 aña di edad.
Roselyn Carolina a comenta cu pashentnan cu ta bin pa tratamento di dialyse ta bibando cu enfermedad
cronico di riñon (chronic kidney disease) den e ultimo etapa, esta unda cu e riñon ta trahando masha
poco of no ta traha mes. Pa medio di dialyse y siguiendo instruccionnan di e nefrologo (specialista di
riñon), e pashent por biba hopi aña cu bon calidad di bida.
http://www.24ora.com/local-mainmenu-5/92639-hospital-ta-invita-comunidad-pa-brinda-cu-un-glas-di-
awa
Hospital ta invita comunidad pa brinda cu un glas di awa
Sunday, 08 March 2015 19:24
Comparti
E brindis cu un glas di awa pa 12’or di merdia riba Dia Mundial di Riñon ta un simbolo cu ta apoya e
accion y esfuersonan di conscientisacion pa cu cuido di e riñonnan. E team di Clinica di Dialyse a pidi tur
nan coleganan den tur departamento di hospital pa uni cu nan den e brindis aki diahuebs awor dia 12 di
maart.
E conmemoracion di Dia Mundial di Riñon na Aruba a cuminsa caba for di diadomingo y ta sigui ful e
siman. Hospital ta apoya y yuda den e esfuersonan y actividadnan di conscientisacion organisa pa ImSan
y Kidneys 297, mientras cu Clinica di Dialyse mes tin actividadnan special planea pa nan pashentnan
tambe.
Roselyn Carolina, kende ta un nurse specialisa den dialyse, a splica cu pa nan pashentnan cu ta bin pa
ricibi nan tratamento di dialyse e dianan aki lo tin dos actividad special, cual e pashentnan mes a scoge,
esta hersengymnastiek y bingo. Asina pashent y nursenan ta pasa un momento ameno hunto; algo
diferente compara cu e dianan di tratamento regular.
Roselyn Carolina a conta cu ora e la caba su estudio di Verpleegkundige A, el a bay asina yama “kijkstage”
na Clinica di Dialyse y na Spoedeisende Hulp (SEH). El a scoge pa specialisa den dialyse y tin awo 10 aña
trahando pa hospital, di cual shete aña ta como nurse di dialyse. E gusta su trabao; e amor pa pashentnan
di parti di e nursenan ta presente, tin cu ta trahando hopi aña hunto.
E intencion di Clinica di Dialyse ta pa den futuro ofrece mas charla pa conscientisa pueblo miho pa cuida
nan riñonnan. E cantidad di pashent pa dialyse ta creciendo y e edad di e pashentnan ta bahando; mester
haci esfuersonan mas intensivo y tin mas conscientisacion den nos comunidad tocante con pa cuida e
riñonnan miho y preveni cu un dia e organonan vital aki ta faya. E pashent di mas hoben cu Clinica di
dialyse a yega di conoce na Hospital, tin apenas 15 aña di edad.
Roselyn Carolina a comenta cu pashentnan cu ta bin pa tratamento di dialyse ta bibando cu enfermedad
cronico di riñon (chronic kidney disease) den e ultimo etapa, esta unda cu e riñon ta trahando masha
poco of no ta traha mes. Pa medio di dialyse y siguiendo instruccionnan di e nefrologo (specialista di
riñon), e pashent por biba hopi aña cu bon calidad di bida.
