Page 37 - AHATA

di nos isla sea den area publico of den mondi. Den e cuadro aki, Serlimar kier a conscientisa e pueblo
tocante e consecuencianan di uzo di material di plastico cu no solamente ta dañino pa e flora y fauna,
pero e ta tarda hopi pa e wordo procesa door di medio ambiente. Aki na Aruba e material di plastic

ta un problema enorme di desperdicio. Den esaki Serlimar ta urgi henter e pueblo di Aruba pa haci un
cambio den esaki ya cu e problema aki ta uno cu lo empeora despues di tempo y e solucion ta den
nos man.

E cambio mester wordo haci den bida diario, esta tanto na cas como na trabou, unda mester haci uzo
di materialnan cu ta degrada mas lihe den e medio ambiente y cual ta nifica cumpra materialnan cu
por wordo uza mas biaha of pa un tempo mas largo.

Famia ta opta pa cumpra productonan di plastic en bez di glas na ora di bishita supermercado, asta

artefactonan di plastic tin un demanda mas halto cu esnan di aluminium, sin lago afo cu na oficina
plastic of foam ta e material di mas uza.E custumber di compra di cada un di nos ta visibel tur dia na

e landfill situa na Parkietenbos y ta uno di preocupa.

Aworaki na casnan ta haci hopi uzo di bakinan di plastic pa warda cuminda, cual por ta dañino tambe
pa salud di e ser humano. Mientras cu si cumpra producto di glas, esaki por wordo uza pa hopi aña y
glas ta mas facil pa degrada. E custumber di re-uza material no ta wordo considera di importancia

riba nos isla ni tampoco e tipo di material cu cada pakete tin, sin embargo ta alarmante pa bisa cu un
simpel foam ta tarda 50 aña pa degrada y e material di plastico hopi mas.

E prome stap mester ta pa nos tur ta determina y haci un cambio door di haci menos uzo di

articulonan di plastic na cas y of trabow pa yega na desperdicionan hopi mas sano y mas facil pa
wordo asimila door di medio ambiente. Menos uzo di plastic ora di come ya caba ta minimalisa e
desperdicio malo grandemente. Serlimar ta recorda alavez, pa sigi haci uzo di e amplio servicio pa

yuda deshaci di desperdicio residencial pero tambe comercial. Serlimar ta pasa cu su trucknan pa piki
tur desperdicio como tambe ofrece containernan di diferente size pa ora di haci limpieza. Unabes cla,

nan mes ta busca e containernan y asina ta facilita e proceso. Sin lubida cu Serlimar ta asisti den e
area di limpieza pa lage manera mester ta durante cualkier evento. Pa mas informacion di tur servicio
di limpieza disponibel, tuma contacto cu Serlimar na telefon (297) 5245080 of email
na info@serlimar.aw of marketing@serlimar.aw of djis bishita nan website www.serlimar.aw si tin

cualkier duda.