Page 4 - Jan de Ruijter comments Min ON

Manifiesto entrega na politiconan Hulandes

 Jan 6th, 2015
 Local

Diamars merdia diferente grupo cu no ta di acuerdo con cos ta bayendo na Aruba a hasi
entrega di dos carta, caminda ta cu ta hasi un peticion na politiconan Hulandes cu tabata di bisbita na Aruba e
momento ey. E dos politiconan ta sr André Bosman (VVD) y sr. Jeroen Recourt (PvdA).
Sr. Jan de Ruiter y sr. Micheal Willems a splica mas di e carta y kico nan kier logra
cu esaki.Enberdad awe merdia dos carta a keda entrega. E prome carta door di 4 grupo, kendenan ta: Nos Pais
Aruba, CAM, Ta Basta y Grupo 7.Den e prome manifiesto entre otro ta pidi pa bini cu un investigacion WODC di e
Ministerio di Husticia. Tambe ta papia di ofuscacion di Trias Politica. Siguridad hudicial y siguridad di e ciudadano.
E KB cu Aruba a haya y tambe e investigacion di parti di CFT. Situacion financiero precario y mal gobernacion.
Desempleo y ganamento di e votadonan door di politiconan. Problemanan social. Y algun punto mas. Y cu tur esaki
e manifestantenan a pidi pues un investigacion. Y esaki tabata e prome manifiesto.E segundo manifiesto ta di parti
di e gruponan ya menciona pero tambe a join sindicatonan, SCCA, TOPA y tambe STA. E grupo aki a duna di
conoce cu nan ta representa 40 % di e pueblo votado di Aruba y nan ta convenci di lo crece pa un mayoria di e
votadonan. Pues nan ta pidi atencion di parti di Eerste y Tweede Kamer pa entre otro: Bahamento di Gobierno Eman
II. Un investigacion riguroso na tur fraude y corrupción cu diariamente ta tumando luga den gobernacion.
Inmediatamente anulacion di tur proyecto PPP. Y por ultimo mester logra pa 2016 un presupuesto cu un surplus. Tur
locual e grupo aki ta pidi a keda motiva y nan ta kere cu tur esaki mester ta posibel.Jan de Ruiter A indica na e
politiconan Hulandes cu e situacion na Aruba ta preocupante y cu mester actua awor. A pidi sr. Eman pa tuma e
honor na su mes y hunto cu su gabinete tuma su retiro. Si sigui asina e situacion ta bay escala.Sr. De Ruiter despues
di a haci entrega di ambos manifiesto na e politiconan Hulandes a pidi nan pa no subestima e situacion na Aruba.
Tin un malcontento enorme.Mas aleu sr. Willems tambe a trece dilanti cu na Corsou y na St. Maarten, Hulanda a
actua y awor mester actua cu man duro na Aruba tambe.Sr. Jan de Ruiter ta considera e corupcion y situacion na
Aruba hopi mas peor cu nunca e tabata na Corsou of na St. Maarten.Tanto sr. de Ruiter y sr. Willems a bisa e
politiconan Hulandes cu nan no ta papia sin mas pero cu nan tin prueba di tur locual nan ta bisando.