Page 17 - AWEMAINTA

Diasabra, 21 December 2019 AWEMainta 17

Alcohol un problema serio:

Diahuebs madruga Polis cu man yen

cu hende burachi riba caya

DIAHUEBS madruga un biaha mas agentenan

policial mester atende cu personanan cu ta bebe
asina hopi, y cu despues nan no por controla nan

mes.

Asina p.e. durante oranan di madruga cu Polis ta

controla e sluitingstijd (orario pa cera) na Lekker,

agentenan a topa cu un dama total-los.
Mirando e situacion cu e dama tabata aden a pidi

pa Transportwagen pa hibe Warda di Shaba.

Eynan varios agente mester a tene y hibe den cel.

Patruya di Santa Cruz diahuebs madruga a topa
un auto coriendo hopi malo altura di Wema na

Santa Cruz, nan a sigui’e y altura di Rowiginis a

logra pare.
Manera nan a pensa un chauffeur cu parse di edad

tabata pata pata tras di stuur.
Aki tambe a pidi pa Transportwagen pa hibe War-

da di Santa Cruz. Eynan tambe varios agente mes-

ter a yuda e cabayero baha y hibe den e compleho
di cel parti patras.

Patruya di Playa tambe a haya su share ora cu
nan a wordo informa cu altura di Royal Plaza tin

un homber canando mey-mey caminda. E homber

aki lo tabata pidiendo lift y ta bou influencia.
Mesora patruya di Playa a bay n’e sitio pa haya e

homber y kite for di caminda.
Na altura di The Paddock a bin localisa e homber y

mesora a pidi Transportwagen tambe mirando cu

e homber tabata hopi burachi.

Pues asina nos ta mira cu tur dia nos Polisnan
mester deal cu situacionnan manera esakinan.

Sea nan ta tras di stuur treciendo nos trafico na

peliger y causando accidente of na pia exponiendo
nan mes pa wordo gedal pa un auto.

Ni maske cu aumenta accijs riba alcohol, tin hende

cu ta sigui bebe bay goal.